2017


მოგვწერეთ

საკონტაქტო ინფორმაცია

მთაწმინდის ქუჩა 12

ქვევრის ღვინის საერთაშორისო კონკურსი

ასოციაცია “ქართული ღვინო”-ს, გარემოს დაცვისა და სოფლის მეურნების სამინისტროს და ღვინის ეროვნული სააგენტოს ორგანიზებით, 2017 წლის 2-3 სექტემბერს იყალთოს ქვევრის სკოლა-აკადემიაში პირველი ქვევრის ღვინის საერთაშორისო კონკურსი, ქვევრის ღვინის მეოთხე საერთაშორისო სიმპოზიუმის ფარგლებში ჩატარდა.

კონკურსის მიზანს მსოფლიოსთვის საუკეთესო ქვევრის ღვინოების წარდგენა, ქვევრის ღვინის წარმოებისა და მოხმარების ხელის შეწყობა წარმოადგენს.

ჟიურის წევრები ქართველი და უცხოელი პროფესიონალები იყვნენ, მათ შორის, ცნობილი ამერიკელი ღვინის მაგისტრი ლიზა გრანიკი.

მას შემდეგ კონკურსი ყოველწლიურად ტარდება და მასში მონაწილეობა შეუძლია მხოლოდ ქვევრის ღვინის მწარმოებლებს, მსოფლიოს ნებისმიერი ქვეყნიდან და რეგიონიდან. კონკურსში მონაწილე შეიძლება იყოს: ღვინის საწარმო, ინდივიდუალური მეღვინე, კოოპერატივი ან მეღვინეთა გაერთიანება.

ქვევრის ღვინო – ღვინო, რომელიც დადუღებულია და დავარგებულია არანაკლებ მისი დაწურვის წლის 31 დეკემბრამდე, სრულ ან ნაწილობრივ ჭაჭაზე.

 


ჟიურის წევრები

გიორგი დაქიშვილი

  • ჟიურის თავმჯდომარე

დავით ჩიჩუა

ქეთევან ჯურხაძე

გიორგი სამანიშვილი

ლიზა გრანიკი


პარტნიორები

ღვინის ეროვნული სააგენტო

  • საკონტაქტო ინფორმაცია

გარემოს დაცვის და სოფლის მეურნეობის სამინისტრო

  • საკონტაქტო ინფორმაცია

სიახლეები

იყალთოში ქვევრის ღვინის პირველი საერთაშორისო კონკურსი ჩატარდება

01/08/2017

იყალთოში, 3 სექტემბერს ქვევრის ღვინის პირველი საერთაშორისო კონკურსი ჩატარდება. კონკურსის მიზანი საუკეთესო ქართული და უცხოური ქვევრის ღვინოების წარდგენა, ქვევრის ღვინის წარმოების და მოხმარების ხელშეწყობა დასხვადასხვა ქვეყანაში წარმოებული ქვევრის ღვინის ცნობადობის ამაღლებაა. ღონისძიება ასოციაცია „ქართული ღვინის“ ინიციატივით, ქვევრის ღვინის მეოთხე საერთაშორისო სიმპოზიუმის ფარგლებში გაიმართება.

კონკურსში მონაწილეობა  შეუძლიათ მხოლოდ ქვევრის ღვინის მწარმოებლებს მსოფლიოს ნებისმიერი ქვეყნიდან და რეგიონიდან. მონაწილე შეიძლება იყოს: ღვინის საწარმო, მევენახე, ინდივიდუალური მეღვინე, კოოპერატივი ან მეღვინეთა გაერთიანება. კონკურსში მონაწილე კომპანიამ თუ კერძო პირმა ასოციაცია „ქართულ ღვინოში“ ნიმუშები შემდეგი წესების დაცვით უნდა წარადგინოს: ღვინო ქვევრში უნდა იყოს დაყენებული; ღვინო უნდა იყოს გასაყიდად ბოთლში ჩამოსხმული; წარდგენილი ღვინის რაოდენობა 500 ბოთლზე ნაკლები არ უნდა იყოს; ბოთლის ეტიკეტი უნდა მოიცავდეს შემდეგ ინფორმაციას: მწარმოებელი კომპანიის სრული დასახელება, ღვინის დასახელება, ჩამოსხმის წელი, ყურძნის ჯიში, რეგიონი/ქვეყანა, მოცულობა.

წარდგენილი თითოეული ნიმუში უნდა აკმაყოფილებდეს შემდეგ პირობებს: წარდგენილი უნდა იყოს ერთი დასახელების ღვინის 3 ნიმუში (0.75 ლ ბოთლი). ბოთლს უნდა ჰქონდეს კომერციული ეტიკეტი. საკონკურსო ნიმუშების წარდგენის ბოლო ვადა 25 აგვისტოა. საკონკურსო ნიმუშებს ქართველი და უცხოელი ექსპერტებისგან შემდგარი ჟიური გასინჯავს. კონკურსის გამარჯვებულს ჯილდოს დამადასტურებელი დიპლომი გადაეცემა. ადგილობრივ და საერთაშორისო კატეგორიაში დაჯილდოვებული საუკეთესო ღვინოები წარდგენილი იქნება ქვერის ღვინის მასტერ-კლასზე, რომელსაც ღვინის მაგისტრი ლიზა გრანიკი საფრანგეთის ქალაქ ბორდოში, ღვინის ცივილიზაციების ცენტრში 17 სექტემბერს ჩაატარებს.

აღსანიშნავია, რომ წელს საქართველო ქვევრის ღვინის საერთაშორისო სიმპოზიუმს მეოთხედ უმასპინძლებს.


მეორე სიახლე

30/08/2018

დღეს უკვე Lorem Ipsum-პასაჟის უამრავი ვერსია არსებობს. მათი დიდი ნაწილი ხუმრობით არის შეცვლილი, ბევრი კი უბრალოდ სიტყვების შემთხვევითი გენერირებით დაიწერა. ინტერნეტში არსებული გენერატორები, როგორც წესი, წინასწარ განსაზღვრული ტექსტის ნაგლეჯს იმეორებენ ხოლმე, ამიტომ ეს პირველი ნამდვილი გენერატორია. იგი რთული და მართებული სტრუქტურის წინადადებების ასაწყობად 200-მდე ლათინური სიტყვისგან შემდგარ ლექსიკონს იყენებს. შედეგად მიიღება ტექსტი, რომელიც ვიზუალურად მაქსიმალურად ახლოსაა რეალურთან. გენერირებული Lorem Ipsum არასოდეს არ არის გამეორებადი, შემთხვევითი სიტყვების ან ხუმრობების შემცველი.